| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
|158r| 105. Frater Franciscus Pauli de Federicis de Florentia, nativus huius conventus, obiit die 25 augusti 1498, hora prima diei idest in aurora, sacramentis omnibus rite sumptis, anno aetatis suae xxxi° expleto. Hic ex honestis facultatibus, anno xxiiijto aetatis ad religionem profectus, per cuncta officia sibi iniuncta laudabiliter se gessit. Obedientissimus, et in edomandis propriis affectibus norma et exemplum religionis. Mira viguit animi tranquillitate, quam etiam in ipso vultu prae se ferebat. Omnibus mansuetus et gratus. Sacerdotio functus est, mediocriter quidem litteratus, sed cui satis magna doctrina charitas esset; quam qui non habet, nihil habet.
■ hora prima diei idest in aurora: importante nota che svela il sistema di computo delle ore usato da questo cronista.
106. Frater Iulianus de Ghettinis, Alexandri filius, pisanus; anno aetatis xxi° defunctus est in hoc conventu - cuius erat nativus - xxvja septembris 1498, hora noctis tertia, ex egritudine pestifera, quam contraxit in conventu pratensi, ubi assignatus erat. Sacramentis omnibus rite perceptis, patienter et devote obdormivit. Cuius animam angeli in paradisum detulerint.
107. Frater Barptholomeus ser Angeli Cinozzi Florentinus, diaconus. Sacramentis omnibus rite et devotissime perceptis, ex diuturna phthisis egritudine consumptus, animam Deo reddidit in hoc conventu die xxvja octobris 1498. Fuit in religione annis xm, menses iij, dies xxviij; devoteque ac modeste se gessit, magnamque spem eruditionis ac doctrinę de se prębebat. Requiescat in pace.
■ Suo fratello germano Frater Placidus de Cinoziis † 1503, n° 133.
108. Frater Vincentius de Antella, sacerdos, obiit peste percussus in oratorio Sanctę Marię Madgalenę [sic] in plano Munionis, die 29 decembris 1498. Cuius anima requiescat in pace.
109. Frater Antonius de Ponte ad Vicum, conversus. Dum fratri Vincentio supradicto peste laboranti deserviret, eodem mordo correptuus interiit 22 ianuarii 1498, in eodem oratorio.
■ 22 ianuarii 1498 = 149
9 dello stile comune, come vuole la successione cronografica di queste voci, nn. 108-111, in stile rigorosamente fiorentino.110. Frater Petrus, conversus, Placentinus, qui se ultro obtulerat ad obsequium prefati fratris Antonii, peste ipse quoque invasus, animam Deo reddidit quam pro amico posuerat, 5 februarii 1498.
111. Frater Angelus de Regno, nativus < . . . >, quinquagenarius iam sacerdos, vir multarum orationum, supremi silentii et magnae austeritatis. Quem ferunt sępe in orationibus corpore quoque in aera elevatum; quemque frater Iacobus Siculus, reverendus vicarius generalis nostrę Congregationis Ethruscę reformatę, de quo conventu nescio in hunc assignaverat. Ex egritudine diuturna faeliciter in Domino requievit 3a aprilis 1499.
■ nativus: introduce la filiazione conventuale, come di consueto, ma lasciata in bianco; l'autore asserisce poco dopo d'ignorare l'originale filiazione conventuale di fra Angelo, proveniente dal regno di Napoli, o delle due Sicilie (=? Angelus de Neritonio?, ovvero da Nardò, pr. Lecce); ma assegnato al convento sanmarchino
. Nota l'elementare distinzione tra filiazione e assegnazione (da noi moderni spesso confusa!).112. Frater Antonius de Hollandia, cum nuper in nostrę Congregationis vicarium generalem ex prioratu lucensi assumptus, pro nostrę Congregationis quibusdam negociis expediendis, mense iunio, urbem - ut erat observantissimus - pedester accederet, Viterbii in conventu Sanctę Marię de Quercu diem clausit extremum, et itineris et ferventissimi estus incommodo affectus, die 15 iulii 1499. Erat pater per omnia venerabilis, in quo sancta discretio et mira cordis tranquillitas viguit. Requiescat in pace, amen.
■
A.F. Verde - D. Corsi, La «Cronaca» del convento domenicano di S. Romano di Lucca, MD 21 (1990) , 191-93, 576b.113. Frater Remigius Leonardi de Nasis de Florentia, nativus huius conventus, ordine diaconus, fervore divinaque charitate ebrius, adhuc adulescens devotissime migravit ad Christum die 28 novembris 1499.
|158v|
114. Frater Mauritius Thomę de Thosinghis de Florentia, diaconus, nativus huius conventus, anno aetatis xxiijtio, obiit quietissime, sacramentis rite perceptis, die xja aprilis die sabbati, hora circiter 22a 1500, summo fratrum omnium maerore, non de illius faelici transitu dolentium sed quod tanti adulescentis mitissima et com<mun>i consuetudine privaverunt. Qui ad hoc ipsum creatus, visus est in natura ut a cunctis unice amaretur. Cuius anima ita Deo accepta fuerit sicut ille dudum fratribus extitit. Vale, mitissima et candidissima anima!
115. Frater Charolus Thommę Malegonnellae Florentinus, nativus huius conventus, mirae abiectionis et fervoris; adulescens, sacramentis rite perceptis, obiit die xxia aprilis, hora noctis quinta, M°D°.
116. Frater Antonius Matthei de Cortonio, anno aetatis suae xxviij°, nativus huius conventus, ex longa aegritudine die 17 octobris 1500, hora 17, diem obiit extremum; excepta communione, quam ex catarro percipere non potuit, sacramentis aliis rite exhibitis. Fuit in religione annum unum, mensibus sex, dies xxijos, quietis pacatissimę iuvenis et admodum litteratus.
117. Frater Anselmus Leonardi de Bartholis de Florentia, nativus huius conventus, diaconus; bonę devotionis et simplicitatis adulescens, obiit Prati in conventu, phthisi consumptus, xxva novembris M°D°.
118. Frater Franciscus Andreę Dominici Mei de Mheis de Florentia, huius conventus nativus, excellentissimus predicator. Cum esset ordinis in curia Romana procurator et totius ordinis vicarius generalis, et magister in theologia ab Alexandro vjto pontifice maximo declaratus, obiit Romę in conventu Sanctae Sabinę die 28 novembris MD°. Sic transit gloria mundi! Requiescat in pace, amen.
■
Un cronista successivo riscrive, fuori termini cronologici (tra 1517 e 1527!), le notizia necrologica del medesimo frate (n° 194 , f. 164r).119. Frater Nicolaus Leonardi Seratici de Mediolano, nativus huius conventus, sacerdos probitate et eloquentia venerabilis. Obiit in hoc conventu ex egritudine pectorali, sacramentis rite perceptis et ad efflationem usque mente integra et sermone interrupto cum maximo fervore, die vij maii MDj°, die veneris, hora nona. Fratribus cunctis charissimus, tum propter causas suprascriptas tum vero quia Congregationem nostram in maximis tribulationibus Romę tutatus est, et multum pro nobis laboravit. R. ae. D. e. D.
120. Frater Iulianus Maria Octaviani de Petrucciis de Florentia, nativus saxensis conventus, anno aetatis 22° obiit die prima iulii 1501, hora xxij, sacramentis rite perceptis, quadrimestri aegritudiine tabefactus.
121. Frater Dominicus Pauli de Florentia, nativus huius conventus, sacerdos, in architectura peritus. Obiit in hoc conventu va septembris MDj°, hora prima noctis, sacramentis de more adhibitis. Requiescat in pace. Fuit autem pater hic in exterioribus admodum utilis et digentissimus vestiarius.
122. Frater Maurit<i>us Turrigianus de Florentia, Lucę filius, huius conventus nativus. Cui id nominis pro alio fratre Mauritio, in huius capite faciei annotato, impositum fuit; quem et in moribus imitatus, brevi etiam subsecutus. Hilaris et gaudens velut de faelicitate securus, miro fervore migravit ad Christum xija septembris 1501, hora noctis prima.
123. Frater Lactantius Laurentii Stroza, nativus huius conventus; puer puritatis, vas purissimum angelorum, consortio(?) adiungi meruit die < . . . > anno 1501 in conventu fesulano. Cuius anima oret pro nobis!
|159r|
Tempore quarti prioratus fratris Francisci Salviati 1502:
124. Frater Daniel Antonii de Florentia, nativus huius conventus. Iuvenis mirae puritatis et devotionis, de quo plurimorum firma erat opinio quod virgo esset, faeliciter requievit in Domino Viterbii in conventu Sanctę Marię ad Quercum, mense augusto 1502. Requiescat in pace.
125. Frater Franciscus de Marochis de Florentia, obiit in hoc conventu phthisicus, subdiaconus, humilis et devotus.
126. Frater Robertus Laurentii de Stroziis, nativus huius conventus, venerabilis sacerdos. Faeliciter migravit ad Dominum in nocte sequente xxm diem septembris 1502, hora 7a ½a, egritudine phthisica quinquemestri consumptus, sacramentis omnibus cum summa devotione perceptis. Patientiae fuit exemplum in egritudine, et specimen observantiae ac religionis, in qua fuit annos integros 4or, menses xjm, die xxvjto.
127. Frater Dominicus de Fighino, adductus novitius ex conventu politianensi et pre(sen)ti professus. Summae innocentiae et puritatis adulescens, requievit in Domino in hoc conventu phthisi consumptus, eodem anno.
Tempore secundi prioratus [1502-04] venerabilis patris fratris Matthei Marci de Florentia:
128. Frater Laurentius de Piscia, nativus huius conventus, conversus. Obiit Romę dum fratribus peste laborantibus ex obedientia deserviret, ipso morbo sauciatus, die < . . >, mense < . . >, anno < . . >, hora< . . >.
129. Frater Thommas de Taussignano, diaconus, nativus quercuensis conventus, anno aetatis xxiiijto, devotus et bonus, obiit in hoc conventu adhibitis ecclesiasticis sacramentis die < . . > mensis < . . > anni 1502.
130. Frater Petrus Antonius, conversus, florentinus, nativus huius conventus, obiit devotissime xiija februarii 1503.
131. Frater Cherubinus Mariotti de Crespoli, conversus, huius conventus nativus. Migravit 9a iulii 1503, sacramentis devote susceptis; diro morbi genere annos aliquot fatigatus, in qua precipuam animi constantiam pre se tulit.
Frater Iacobus Ghuccii Iacobi Dini domini Guccii de Florentia, nativus huius conventus, ordine diaconus, anno aetatis suae xxij°, obiit in hoc conventu devote nimis xxvij iulii 1503. Hic natus est in Scotia dum pater ibi mercaturę operam daret, ex matre scotica. In iuventute utique bona consumatus, qui in tenera aetate bene inceperat, et in adulescentia omni castitate et pudicitia perseveraverat. De quo nulla iam spes sed firma certitudo - maxime in religione utilitatis - pro inexistimabili illius ingenii excellentia; iam iamque in artibus, presertim liberalibus, ita brevi profecerat ut pro aetate nullo suorum temporum vis magistro, vis discipulo, inferior haberetur. Puritatis et integerrimę devotionis extitit. Circumspectus admodum, omnibusque amabilis. Defunctus est summo cunctorum maerore, ipse laetus et gaudens, veram in cęlis theologiam docendus; ubi non iam ex creditis sed ex ipsa de facie ad faciem visione, Dei congnitionem adepturus esset.In eo gentis suae omnis masculina soboles defecit. Nam Dinus, patruus eius, sub ipso tempore sine liberis diem extremum obiit. Iohannes vero, alter patruus eius, iam senior nonnisi unicam ex se filiam genuit, nullis aliis superstitibus. Vale valde amabilis, et optata fruere in aeternum beatitudine!
|159v|
133. Frater Placidus de Cinoziis, ser Angeli filius, germanusque fratris Barptholomei memorati defuncti, nativus huius conventus. Sacerdotio functus, diem extremam obiit cum devotione Viterbii in conventu quercuensi, sacramentis omnibus rite adhibitis, die < . . > septembris 1503. Vir fuit prudens, gravis et humilis, et in egritudine phthiseos mirę patientię; et pro odedientia obeunda, nulli umquam labori aut proprię commoditati perpercerit.
Frater Christoforus de Viculo Mugellano, Petri quondam filius, nativus huius conventus. Sacerdos integerrimę vitae, qui in hoc conventu plures annos maioris sacristae officio adhibitus, in audiendis confessíonibus admodum gratus, et in monasterium Sanctę Lucię annos duos ultra probe admodum gubernavit. Quique inter eos qui sub nostrarum tribulationum tempore, unus extitit qui exilio relegati fuere. Tandem plenus dierum et bonorum operum, vitam excessit in conventu lucensi anno Domini MD primo.135. Frater Albertus Antonii de Cardinis de Piscia, nativus huius conventus. Diaconus devotus et bonus, eo ipso anno et in ipso conventu lucensi ex hac vita migravit adhibitis sacramentis.
136. Frater Thommas Mariani de Prato, nativus huius conventus. Iuvenis subdiaconus, devotus et humilis corde, in conventu pistoriensi requievit in Dominio, anno MDij.
137. Frater Alexander Iohannis de Pistorio, seu de Vignolo comitatus pistoriensis, nativus huius conventus. Postquam semel atque iterum exiit rediitque, tandem extremam diem obiit in hoc conventu 25 ianuarii 1504.
Tempore prioratus [1504-06] venerabilis patris fratris Sanctis de Luca:
138. Frater Salomon Apollinaris de Florentia, nativus huius conventus. Mirę mansuetudinis, integritatis et rectitudinis adulescens, peste correptus, diem clausit extremum in conventu quercuensi, mense iulio 1504.
139. Frater Romulus Taddei Duccii de Florentia, nativus huius conventus. Praecipui fervoris et mirę erga Deum rectitudinis, iuvenis omnibus unice amabilis, ipso tempore peste correptus, in conventu Sanctę Marię de Quercu laetanter et faeliciter ad optata gaudia credimus evolasse 25 iunii MDiiij°.
140. Frater Iohannes Cortis(?) de Florentia, uniter(?) cum aliis duobus suprascriptis, etiam ipse iuvenis et nondum sacerdos in prefato conventu peste percussus.
■ n° 140 aggiunto nel marg. sin., da mano meno regolata.
141. Frater Nicolaus de Montelupo, conversus, nativus huius conventus, plurimę utilitatis, charitatis et fervoris. Dum ultro se ad serviendum prefatis fratribus peste laborantíbus obtulisset, eodem ipse morbo correptus, animam Deo reddidit quam pro amicis posuerat, die < . . > mensis < . . > MDiiij°.
142. Frater Bernardus Bartholomei Iohannis de Sancta Maria de Impruneta, conversus, nativus huius conventus, in quo valde utilis fuit. Vir quietissimus, simplex, devotus atque obediens. Ex diuturna phthisi consumptus, tandem devotissime migravit ad Dominum va februarii MDiiij. Requiescat in pace.
143. Frater Augustinus Bardi Ritaffę de Florentia, nativus huius conventus, ultimus ex gente Ritaffa, in quo videlicet familia sua deficit. Defecit et ipse plereuseos morbo in conventu Sanctę Marię Saxensis intra octavas Pentecostes, maio mense 1504. Quem in electorum consortes ex misericordia aggregare dignetur.