|67v|

1496

Mandatur fratri Benedicto Doni, sub pena privationis omnium gratiarum ordinis et conventualitatis quatenus debeat per totam ebdomadam Pascatis de Resurectione 1496 dedisse et solvisse conventui f. 40 pro parte sui debit quod habet ad conventum suum Sancte Marie Novelle, et per totum diem primum novembris, qui erit dies Omnium Sanctorum, dare residuum crediti, quod erit librarum 20. Alias contrarium faciendo etc. Die 21 februarii, Florentie.

Datur licentia fratri Vincentio de Campis, conventus Sancte Marie Novelle de Florentia, exeundi conventum suum et provinciam ac redeundi.

Mandatur priori Sancte Marie Novelle de Florentia quod si frater Hyeronimus Tingho et frater Iacobus Malegonelle venirent ad civitatem, debeat illos carceribus civitatis mancipari facere; quos non valeat inde liberare sine mea licentia. Magistris autem et patribus mandatur, sub pena gravioris culpe et privationis gratiarum ordinis, quatenus nullus eos ad cameras eorum recipiat, nec favore<m> aut auxilium eis conferat. Alios vero fratres extra asignatos, ultra unam diem recipi in conventu nolo.

Quod frater Albertus de Ciglianis de Florentia non possit ammoveri ab officio sui sindicatus sine rev.mi magistri ordinis licentia speciali. Die 23 februarii, Florentie.

Frater Angelus Simonis de Viterbio habet licentiam eundi ad artiorem religionem ad sui instantiam. Die 23 februarii, Viterbii.

Frater Ioannes Dominicus de Cortonio potest ubique predicare verbum Dei etc.

Dirigitur litera priori et patribus conventus Viterbii ad Gradus, quibus ordinatur quod nullus audiat confessiones mulierum in ecclesia nisi sit etatis 40 annorum, nec cum eis confabulari etc., nec discur<r>ere per civitatem nisi urgente necessitate de xv^na in xv^nam, officialibus conventus exceptis. Die 23 ultimo februarii, Viterbii.

Frater Dominicus Heredis, conventus Viterbii ad Gradus, ammovetur [sic] a conventualitate prefati conventus; et mandatur priori dicti conventus - sub absolutionis pena a dicto officio - ut eum in conventu ultra diem naturalem non teneat, et eidem - sub pena privationis filiacionis conventus - quatenus non maneat aut discur<r>at per civitatem, sed veniat ad me aut ad provincialem etc.

Frater Vincentius Mariotti de Monte Policiano potest stare apud Montem Falchum causa studii extra ordinem permanere. Die 12 martii, Rome.

Mandatur fratri Rosato sub pena privationis bachall(ariatus) et fratri Cerbono de Senis sub pena privationis senensis(?) conventus quatenus magistro Sebastiano de Taurino bona sua debeant restituisse, aut cum eo composuisse. Die 23 eiusdem.

Frater Valentinus Dona?na amovetur a conventualitate conventus Sancte Marie ad Gradus de Viterbio et remittitur ad provincialem. Die 2 aprillis [sic].

Conceduntur due camere cum cochina et usufructus vel penssio unius pe?? cum una camera d(omine) Paule Magdalene de Ulandia in domo Sancte Chaterinie de Senis de Urbe; et in sui absentia potest committere ad habitandum, donec revertatur, cuique honeste vite mulieri seculari vel regulari; et nihil, sub excomunicationis pena, a sua camera eidem auferatur. Die 4 aprillis, Rome.

|68r|

1496

Frater Iacobus de Prato habet licentiam sacerdotari. Die x aprillis, Rome.

Comittitur magistro Ludovico, procuratori ordinis, exigendi certas contribuciones debitas magistro Ludovico de Viterbio a certis conventibus. Die 16 eiusdem.

Frater Martinus de Florentia potest ordinari dicaconus. Die 20 eiusdem.

Frater Antonius de Sarzana fit prior sarzanensis et non potest absolvi sine scitu rev.mi magistri; et pro recuperacione pecuniarium suarum quas exposuit pro literis executorialibus et victu suorum, sibi conceduntur omnes introytus dicti conventus usquequo fuerit satisfactus; et potest cons??ere novos procuratores; taxate sunt expensse facte pro victu suo, et veniendo ac redeundo ac stando in curia ducat. 9; et illud quod expositum est in bullis, apparet in literis excutori(iali)bus. Die 26 aprilis.

Frater Gaspar de Perusio asignatur Parisius in studentem theologie. Die eadem.

Comittitur rev.do procuratori ordinis quod vadat Senas, ut ea que fuerint ad illius studii et studentium utitlitatem cum privilegiis et gratiis etc. ordinet. Regenti debitam manssionem provideat, cum salario ducatorum decem pro suis laboribus, certum numerum studentium per ordinarium asignandorum cum cameris etc; et etiam discolos et insolentes pacem studii per turbacium(?) expellendi, priorem et suppriorem si opus fuerit absolvendi et alium - si idoneus fuerit et studiorum amator  - confirmandi, cum auxilio brachii secularis et cum censsuris et penis. Die 27 aprilis, Rome.

Approbantur gratie fratri Francisco Andree, conventus Sancti Marci de Florentia, per rev.mum dominum protectorem ordinis concesse. Die 8 maii, Rome.

Magister Ambrosius de Terracina habilitatur ad ordinis beneficia, non obstante quod sit penitentiarius Sancti Iohannis de Laterano; et postea potest fratribus carnalibus partem hereditatis sue conferre, quia dum esset in studio multa bona paterna ac materna consumpsit etc. Die 9 maii, Rome.

Frater Ioannes Baptista de Tiburi asignatur in conventu tiburtino. Die 17 eiusdem.

Frater Iacobinus de Terracina potest extra ordinem stare. Die 25 maii, Rome.

Magister Ambroxius de Terracina fit vicarius Terracine, Piperni et Ananie. ad placitum provincialis. Die 26 eiusdem.

Datur facultas magistro Francisco Thome de Florentia principiandi, prosequendi locum Prati, simul cum provinciali, si aderit, et solus sui in absentia. Die 26 maii.

Frater Ioannes de Senis, conventus Campiregii, potest presbiterari. Die primo iunii, Rome.

Absolvitur a prioratu conventus pistoriensis frater Laurentius de Pistorio, et fit vicarius conventus et electionis frater Matheus de Pistorio. Die 3 iunii, Rome.

|68v|

1496

Frater Laurentius de Pistorio fit vicarius electionis pro electione vicarii generalis Congregationis Tuscie. Luce asignatur Congregatio in die Sancte Crucis de septembr(e). Et vicarius generalis debet durare de biennio in biennium, et nullum aliud officium habere debet. Die 4 iunii, Rome.

Frater Marcus de Trano, conventus Sancti Petri Martiris de Neapoli, fit prior conventus Piperni eo quod nullus erat prior, neque voces ad competentiam electionis; et non propterea eximitur a iurisdictione provincialis. Die 12 eiusdem.

Frater Rosatus de Viterbio potest legere Sententias Perusii extra ordinem. Die eadem.

Frater Dionisius de Pistorio asignatur Pistorii. Die eiusdem.

Precipitur priori senensi ut solvat magistro Bertolomeo regenti quicquid ab eo expositum est pro camera. Similiter ut asignet in manu unius boni fratris omnia utensilia studentium; cui etiam precipitur ne transeat in usus non studentium. Die 20 iunii.

Asignatur in conventu perusino in studentem theologie frater Ioannes Baptista, conventus saracusini. Die eadem.

Declaratur quod frater Ambroxius Senensis, propter sessuram digitorum, antiquitatis locum non perdat. Die eadem.

Frater Marianus de Grossis, conventus Minerve, potest petere bona paterna coram quibuscunque iudicibus. Die eadem.

Conceditur fratri Petro Nicolai de Aretio, de consenssu conventus, vendere possit quandam domum sibi relictam a quodam suo afine(?) ad satisfaciendum creditoribus, habito tamen recurssu ad sedem apostolicam, ut moris est. Die 23 iunii.

Sequestratio reditus proximi anni futuri dinariorum Sancte Agnetis de Bononia in manu prioris Sancte Marie Novelle de Florentia. Die 23 iunii.

Datur facultas fratri Ieronimo de Ferraria, priori et vicario Sancti Marci, ut possit dare sororibus Tertii habitus monasterii Sancte Lucie de Florentia habitum velatarum etc.; et si nolent alique recipere, sic vivere permitantur, et nulla de cetero de Tercio habitu recipiatur nisi pro serva. Die 26 eiusdem.

Magister Franciscus Thome de Florentia fit vicarius monasterii et loci f?? vite comunis Prati. Die 30 iunii.

Frater Dominicus de Pistorio asignatur Pistorii. Die 8 iulii.

|69r|

1496

Frater Laurentius de Pistorio fit vicarius generalis Congregationis Tuscie, cum plena auctoritate etc. Die 7 iulii, Rome.

Electio prioris conventus Pistorii facta in persona fratris Laurentii de Pistorio cassatur, eo quod factus fuit ante vicarius generalis Congregationis predicte. Die 12 iulii, Rome.

Ecclesia Sancte Marie de Gratiis comittitur priori et patribus conventus Pistorii, et cassatur provisio alias facta fratri Francisco. Die 13 iulii.

Quod frater Franciscus, cappellanus sororum Sancte Lucie, non possit ingredi monasterium prefatum nisi in casibus a constitucionibus concessis et cum socio sibi a priore dato, et visitacio fiat ad grates per vicarium generalem; et non possit ingredi monasterium nisi pro primo et ultimo capitulis pro visitacione tenendis, et una cum priore conventus. Die 13 iulii.

Soror Sandra de Florentia fit vicaria monasterii Sancti Iacobi de Ripolis propter antiquitatem priorisse; que ad regimen non vadat cum potestate plenaria in capitibus et membris. Die 16 iulii, Rome.

Mandatur priorisse ac monialibus monasterii Sancti Dominici de Florentia, sub pena suspenssionis a divinis, quatenus non debeant portare pectoralia et similes habitus secularium, ultra consuetudinem monasterii. Die 6 iulii, Rome.

Mandatur fratri Thome de Fulgineo quatenus pecunias, seu duc. 20, in manus fratris Simonis de Fulgineo sub deposito datas, sibi restituat, et alia quicquid competit ei scilicet fratri Vincentio de Soncino; aut si habet contra eum iustam causam querelle(?), compareat personaliter cum dicto fratre Vincentio, quia inaudit(is) partibus nullus condempnari debet; interim, indecisa causa, nec dictum fratrem Vincentium molestare valeat. Die 9 augusti, Rome.

Frater Matheus de Pistorio declaratur esse vicarius conventus pistoriensis, et vicarius generalis non potuit eum absolvere quia rev.mus prius institui; et frater Mathias per dictum vicarium institutus esse non potuit etc. Et si tempus electionis esset transsactum, de novo illud fratribus conceditur etc. Et si aliquis frater non subditus vicario electus esset, que<m> nolet confirmare, debeat mittere electionem ad magistrum. Die 17 augusti, Rome.

Mandatur fratribus viterbiensibus, sub excomunicationis pena, quatenus framentum casalis nullo modo vendere possint nec inde amovere. Die 21 augusti.

→|69v|