⌂	Cronica conventus Sancti Dominici de Fesulis OP  ■  pars IV: fratres huius conventus defuncti et mortui, ff. 145r-168v (1418-1650)  ■

|f. 147v|

37. Frater Ambrosius Crescii de Florentia obiit  *  *  *  .

38. Frater Hieronimus Dominici Cosme de Fesulis, conversus, obiit die  *  *  *  aprilis 1509 in conventu Sancte Marie de Saxo.

39. Frater Antonius de Minerbettis de Florentia obiit Senis   *  *  *  .

40. Frater Philippus de Scarparia obiit die   *  *  *  .

41. Frater Simon Hieronimi de Bartholis obiit in hoc conventu die   *   *   *   decembris 1514; nam ex varice laborans, cum a medico chirurgico incideretur, in sex diebus expiravit.

42. Frater Sebastianus Marci de Florentia, sacerdos, obiit Senis ex acutissima febre.

43. Frater Silvester de Marradio, tunc prior existens in conventu Sancte Chaterine de Pisis, in eodem conventu obiit die  *  *  *  octobris 1516. Hic fuit ferventissimus predicator, optime fame, humilis, devotus atque benignus et charitatis operibus plenus.

44. Frater Bernardus de Comis Florentinus obiit Rome in conventu Sancte Marie super Minervam die  *  *  *  septembris 1516. Qui vana spe a quodam seductus, promissa sibi magna quantitate pecunie ut posset ascendere ad sublimes dignitates et prelaturas, relicta Congregatione Romam adiit; et ibi paucis ebdommadibus transactis, febre correptus mortuus est.

45. Frater Vincentius Thomme de Malegonnellis de Florentia, iuvenis, nondum in sacris existens, obiit Pisis in conventu Sancte Chaterine Martiris die  *  *  *  novembris 1516. Nam illuc missus fuerat ad custodiam infirmorum, quia multi tunc ibi infirmabantur et moriebantur; et cum illis mortuus est ex obedientia [obe(n)dia scr.] et charitate.

46. Frater Anastasius de Florentia obiit idropicus Florentie in Sancto Marco, ubi mansit infirmus per 15 fere dies ad petitionem domini Iacobi de Mannellis, et fuit custoditus in hac infirmitate a fratribus huius conventus eo quod esset filius eiusdem conventus fesulani. Erat tamen extra ordinem et in nullo conventu assignatus, et ideo ipse asseruit ante mortem omnia bona sua pertinere ad hunc conventum, cuius erat filius nativus. Obiit autem die 29 martii 1517, receptis omnibus sacramentis ecclesiasticis.

47. Frater Ioannes Baptista Laurentii de Stroçis de Florentia obiit die 22 decembris 1518, sero, inter primam et secundam horam noctis, in conventu Sancti Marci; et erat tunc prior conventus Sancte Marie de Quercu extra Viterbium.

|f. 148r|

48. Frater Antonius tertii habitus, obiit in hoc conventu die 9 ianuarii 1519 secundum curiam. Hic fuerat custos porte per multos annos. Et erat vir simplex et pure conscientie ac valde devotus et in orationibus assiduus, et pretendebat in effigie quamdam simplicis vite sanctitatem. Et obiit senex et plenus dierum et bonorum operum. Cuius animam credimus celestia possidere.

49. Frater Clarus Francisci de Sexto, conversus, obiit in hoc conventu die 28 augusti in die Sancti Augustini, qui prius in seculo Augustinus dicebatur, anno Domini 1520. Fuit enim simplex et obediens, et obiit ex apostemate capitis. Cuius anima requiescat in pace.

50. Frater Benedictus Ioannis Francisci de Lapaccinis de Florentia obiit in conventu Sancti Marci Florentie die ultima octobris, in vigilia Omnium Sanctorum. Erat autem supprior conventus Sancte Chaterine de Pisis et ibi assignatus, ubi et infirmatus est; et ut ab infirmitate curaretur, se transtulit Florentiam et ibi mortuus est. Cuius anima sit in cetu omnium sanctorum in celesti gloria.

51. Frater Petrus Maria de Monte Castelli, conversus, obiit in hoc conventu die 15 aprilis 1521, ex abundantia catarri ex capite descendentis in stomacum. Erat enim sacrista minor et optimus questor pecuniarum in sabato, et bonus religiosus. Cuius anima requiescat in pace.

52. Frater Christophorus de Carfagnana, conversus, obiit in hoc conventu die X februarii MDXXI more florentino, cum esset annorum circiter LXX et in religione stetisset per annos XXXV. Infirmatus est autem per dies V tussi et febricula quadam. Suscepit autem omnia sacramenta preter eucharistiam, qua licet diceret se velle accipere, subito tamen catarro vel potius stupore^[1] prepeditus, non potuit ad eam suscipiendam os aperire. Anima eius requiescat in Deo.

53. Frater Gabriel Francisci de Manninis, sacerdos, cum egisset in religione annos fere triginta sex et bonorum morum fuisset, obiit Senis die *  *  * februarii MDXXI iuxta computationem florentinam, anno etatis sue  *  *  *  in conventu Sancti Spiritus, cum ibi esset assignatus. Cui lux luceat eterna.

54. Frater Alexander Baptistẹ de Stroziis, sacerdos, cum in religione peregisset annos XXXVI et mensex[sic] sex in bonis moribus et regulari observantia perseverans, obiit die XIII decembris, hora octava noctis, MDXXII, sumptis omnibus ecclesie sacramentis, devote et letanter mortem aspiciens, anno etatis sue LXIII. Cuius anima vita et requie perfruatur eterna. Obiit autem die X infirmitatis sue, quẹ fuit febris - iudicio medici - pestilentialis. Nunc perpetua sanitate perfruetur.

|f. 148v|

55. Frater Benedictus lapicida de Fesulis, conversus, per plures annos valde utilis in religione, in officiis procuratoris et infirmarii. In conventu Sancti Romani assignatus, in cura multorum infirmorum fratrum ibi laborans et ipse infirmatus est. Cumque longa detineretur infirmitate, Fesulas veniens, per tres menses ibi valitudinarius existens dolore capitis magno correptus, ut facilius a medicis curaretur ad Sanctum Marcum proficiscens, paucis diebus eodem dolore oppressus, sumptis ecclesiẹ sacramentis, vitam finivit die XXVI decembris MDXXII. Cuius anima in Domino requiescat.

56. Frater Iacobus Petri de Finario, clericus, cum post professionem in hoc conventu factam - ut supra scriptum est folio CIII - decimum mensem peregisset, ptysi - qua fere per tres menses laboravit - defunctus est hilariter ac devote, sumptis omnibus sacramentis, adolescens volans ad patriam. In qua perpetuo requiescat.

57. Frater Ioannes Franciscus Dini de Bettinis, sacerdos, longa infirmitate trium mensium laborans obiit die XIII maii in vigilia Ascensionis, receptis omnibus ecclesiasticis sacramentis; et ita, cum accepisset habitum adolescens in hoc conventu, peractis in religione annis XI, mensibus VI, Deo spiritum reddidit, apud quem perpetuo requiescat. Obiit autem anno Domini MDXXIII.

58. Frater Nicolaus de Santo Cassiano, cum per plures annos vagabundus extra ordinem mansisset, in habitu tamen, tandem Rome extra conventum in quodam hospitio obiit die  *  *  *  iu<lii> MDXXIII. Cuius animẹ Deus misereatur.

59. Frater Hieronymus Andreẹ de Ginis, cum podagris diu laborasset, tandem febribus obiit die 17 ianuarii MDXXIII iuxta ritum florentinum, omnibus sacramentis devote susceptis. Requiescat in Christo.

60. Frater Christophorus Iohannis de Spinellis, filius huius conventus, post brevem infirmitatem obiit in conventu Sancti Marci die 25 ianuarii 1524. Requiescat in pace. Functus est autem sacerdotio aliquot annis.

61. Frater Iohannes Baptista domini Alexandri de Flisco Genuensis, professus in hoc conventu. Qui seductus a quibusdam conventualibus, fugam arripuit a Congregatione versus Genuam; et die  *  *  *  martii 1525 - post gravem et longam in via passus infirmitatem - obiit^[2].

62. Frater Ioannes Maria Sebastiani de Canochiis, peracto in religione spacio annorum sex ac dimidii, bonis moribus ornatus ac subdiaconus, ex casuali percussione ligni amissionem unius oculi patienter et hilariter ferens, ad conventum pisanum ex obedientia missus; in eo post paucos dies infirmatus obiit die  *  *  *  MDXXVI.

63. Frater Thommas de Pera obiit in conventu Sancti Marci ptysi consumptus, devote omnibus sacramentis receptis, die  *  *  *  MDXXV.

|f. 149r|

64. Frater Raphael domini Leonardi de Colle, peracto in religione XIX annorum et dimidii tempore, sacerdos, ex caritate in conventu pratensi - cum ibi esset assignatus - sponte ex obedientia tamen accessit ad curam fratrum peste laborantium. Cumque administrasset sacramenta uni sacerdoti morbo pestifero percusso ac ei in necessitatibus cum uno converso, ipso defuncto, post paucos dies peste correptus obiit anno Domini MDXXVI, die vero   *  *  *  octobris. Cuius anima requiescat in pacem.

65. Frater Alexius  *  *  *  , conversus, in hoc conventu professus, obiit in conventu Sancte Marie de Saxo post longam ptysis infirmitatem die XXVI ianuarii MDXXVI.

66. Frater Andreas Hieronymi de Stufa, huius conventus professus, quindecim annis et duobus mensibus in religione laudabiliter peractis, prior existens in conventu Sancti Dominici de Prato, cum pestis eumdem conventum aggressa aliquos fratres occupasset, caritate ductus pluribus ex eis confessionis et eucharistie sacramenta administravit. Eadem tandem peste ipse correptus, obiit die XXIX decembris MDXXVI, sumptis omnibus ecclesie sacramentis. Cuius anima requiem obtineat perpetuam.

67. Frater Bernardus Bernardi de Bernardis conversus, huius conventus filius, peracto anno fere XIIII^mo in religione, sponte se obtulit ad servitia fratrum in conventu pratensi peste laborante. Ea tandem et ipse percussus, obiit ibidem die 5 ianuarii MDXXVI more florentino.

 68. Frater Felix Hieronymi de Paccinellis de Senis, adolescens XVIII annorum, bonus, devotus et gratiosus, annum secundum agens in religione, professus Sancti Spiritus de Senis, obiit in hoc conventu assignatus, infirmitate quatuor dierum, ita ut maxima suspicio fuerit quod peste obierit; unde et conventus clausus pluribus diebus mansit. Recepit autem devote omnia sacramenta, omnesque putarunt eum foelicem ad patriam evolasse, feliciterque cum ceteris beatis vivere et requie eterna perfrui. Obiit autem die ultima februarii MDXXVI ritu florentino.

|f. 149v|

69. Frater Andreas Iacobi de Sancto Cassiano, conversus, in hoc conventu professus, XX^mo anno in religione expleto, peste obiit Florentiẹ die  *  *  *  iulii 1527.

70. Frater Augustinus Pauli Marci de Pistorio, conversus, XXVIII annos in religione, cum humiliter et ferventer peregisset per civitatem florentinam peste magna vexatam cum fratre Francisco Iustini - qui sacramenta infirmis eo morbo magna caritate administrabat - fervido spiritu pluribus ebdomadibus discurrisset, peste et ipse percussus simul cum eodem fratre Francisco, sumptis devotissime sacramentis, magnum sanctitatis exemplum in ea infirmitate prebens, obiit apud Sanctum Marcum in die Sancti Augustini, scilicet XXVIII augusti MDXXVII. Cuius anima cum Christo in pace eterna gaudeat.

71. Frater Iulianus Guidi de Cavalcantibus, sacerdos bonus et in religione valde utilis, peractis laudabiliter in religionis habitu XXXIIII annis et mensibus IIII, hoc ad cumulum suẹ sancte vite addidit quod anno MDXXVII, cum civitas florentina peste ingenti quassaretur et multi sine sacramentis decederent et frater Franciscus Iustini ad ministrandum laicis per civitatem confessionem et alia sacramenta expositus peste obiisset, ipse - obedientie et caritatis fervore actus - idem officium duabus ebdomadibus devote peragens, peste tandem percussus est; paucisque diebus, sacramentis omnibus christiane perceptis, spiritum Deo reddidit apud Sanctum Marcum die XVI septembris, hora 19^a, in hoc tamen conventu suo assignatus. Cuius anima fruatur Domino.

72. Frater Sebastianus Bartholi de Burgo Sancti Laurentii, conversus, cum XVII annum ageret in religione et apud Urbem Veterem in societate esset confessoris monasterii Sancti Pauli, fratris scilicet Salvatoris de Florentia, peste obiit die  *  *  *  , anno MDXXVII. Requiescat in Domino.

72bis. Frater Reginaldus magistri Ioannis barbitonsoris de Florentia, in prima adolescentia habitu religionis in conventu Sancti Marci devote sumpto, usque ad annum etatis sue circiter XXVI ferventer Christo serviens, paucis mensibus sacerdotio functus cum Fesulis novitios grammaticam doceret, anno Domini MDXXVII peste correptus Florentiam - ob faciliorem curam missus - quatuor diebus egrotans, devote sumptis sacramentis, in Domino obdormivit apud Sanctum Marcum, hic assignatus, die XXV septembris hora 6^a. Cuius spiritus felix cum Domino vivat^[3].

→  |f. 150r| Frater Michael Nicolai...

[1]  vel potius stupore aggiunto dalla stessa mano nel marg. destro con segno di richiamo. Cf. Uguccione da Pisa [† 1210], Derivationes, ed. E. Cecchini, Firenze 2004, II, 1180-81: «... a stupeo hic stupor -ris, et est stupor casus memoriam et rationem auferens et linguam impediens».

[2]  In marg. destro di questi ultimi due item, le due rispettive lettere, prima B (Frater Iohannes Baptista) e poi A (Frater Christophorus), suggeriscono di riordinare la seguenza redazionale Frater Iohannes Baptista..., Frater Christophorus..., nella seguenza inversa, come vogliono i loro dati cronologici.

[3]   Tutto il ricordo 72bis è depennato con barra verticale. In margine sinistro la stessa mano scrive: «Non ad hunc attinet conventum cum non sit eius filius, et ideo deletur». Altra mano aggiunge: «Delendus non erat quia assignatus in hoc conventu obiit». Quanto aggiunto in margine tradisce due distinte valutazioni: la prima, di certo la più antica, rispecchia la carattetistica propria di tali cronache, ovvero la registrazione dei frati che siano filii del convento, non importa dove deceduti; la seconda più tardiva e meno rigorosa.