precedente successiva

Regesta litterarum
fratris Leonardi de Mansuetis de Perusio, 1474-1480

■ AGOP IV.3 (1474-79): Provincia Romana ff. 52-69, 125-129, 290-307 ■

    ë  

|68r|

Omnibus presidentibus provincie Romane, et quaruncumque aliarum provinciarum, precipitur quod fratrem Iacobum Iohannis(?) de Florentia, cognomento Ciappinum, qui quedam enormia perpetravit in conventu Sancte Marie Novelle de Florentia, et ultimo in prelatum suum evaginato gladio insurrexerit, incarcerent ubicumque invenerint, etiam invocato auxilio brachii secularis, nec relaxerint sine speciali licentia rev.mi magistri ordinis. Datum Rome, iij iulii <1475>.


Iohannis(?) de Florentia aggiunto in infrarigo; incerto il patronimico Iohannis. Non identificabile tra i frati censiti da Cr SMN.


Frater Petrus Francisci de Urbe Veteri habuit licentiam ut quandoque possit quater in mense officiare ecclesiam S(ancti) F(?) de Tuderto, iuxta Tudertum ad quinque miliares(?), et recipere elemosinas pro suis necessitatibus. Nullus inferior. Datum Rome, v iulii.

Magister Iohannes Franciscus Venetus fuit assignatus in regentem studii  in conventu Sancte Marie Novelle de Florentia pro isto anno. Datum Rome, vij iulii.

Frater Andreas Iohannis, de conventu Sancte Marie Novelle de Florentia, fuit assignatus in conventu maiori papiensi provincie Lombardie ad proficiendum ibidem in artibus. Rome, viij iulii.

Frater Matheus Phlippi de Pisis habuit licentiam eligendi unum convenum in quo possit assignari de consensu prioris et fratrum. Nullus inferior molestet. Rome, vij iulii.

Frater Matheus Phlippi de Pisis habuit licentiam morandi cum Iesuatis loci Sancte Marie della Sambuca, pisane diocesis, usque ad sequens capitulum generale; et potest celebrare, confessiones audire, sacramente ministrare. Et nullus inferior, nisi propter debitum vel delictum. Rome, viij iulii.

Magister Alexander de Bononia fuit factus vicarius generalis super conventu Sancti Dominci de Reate, super capite et membris, in spiritualibus et temporalibus, cum(?) plenissima potestate etiam absolventi priorem et officiales et omnia faciendi oportuna; et madatur omnibus quod obediant. Datum Rome, x iulii.

Frater Floridus Mariocti de Civitate Castelli habuit licentiam standi extra ordinem et officiare ecclesias et cappellas, recipere elemosinas, et sit(?) sub obedientia ordinis etc. Nullus inferior, nisi propter debitum vel delictum. Datum Rome, x iulii.

In conventu Sancte Marie de Civitate Vetula fuit confirmatus in vicarium ecclesie Sancte Marie, iuxta literas apostolicas, presbyter Christoforus magistri Angeli de Barbarano, et de novo electus et confirmatus, quia alius vicarius obiit circa finem mensis preteriti iunii; et fratres elegerunt istum die x presentis mensis, et hoc [= hic?] habet curam parrochie in confessionibus audiendis et ministrandis ecclesiasticis sacramentis. Datum Rome, xxj iulii.

Frater Zenobius della Casa, de conventu Sancte Marie Novelle de Florentia, prior conventus Sancti Dominici de Terracina, habuit literas sue absolutionis legendas ad suum beneplacitum; quibus lectis, intelligatur absolutus. Et tunc instituitur vicarius conventus frater Tuccius de Bentrovato, baccalarius, usquequo alius prior sit datus et confirmatus, et presens in loco. Et precipitur ipsi vicario et omnibus ad quos spectat, sub pena debita transgressoribus precepti, quatenus infra tres dies solvant ipsi priori quicquid exposuit(?) pro conventu, et omnes expensas debite factas in eundo ad conventum, et in veniendo Romam et redeundo ad conventum pro negociis conventus. Datum Rome, 29 iulii.

|68v|

1475

Magister Guilielmus Nicolai de Aquis, alias de Florentia, habuit licentiam propter nonnullas causas exeundi provinciam Romanam et eundi ad quam voluerit provinciam, et eligendi quemcumque conventum ubi potest assignari per priorem conventus, si ipsi priori et patribus conventus visum fuerit. Datum Rome, 30 iulii 1475.

 Frater Iohannes Antonius de Fulgineo, qui paulo antea fuerat remotus a suo conventu Fulginei, illuc remittitur et ibi assignatur, quousque de ipso aliud ab ordine sit dispositum. Datum Rome, prima augusti.

Frater Angelus de Senis fuit datus in socium magistro Thomme de Aquila pro sui studii profectu, et fuit assignatus in conventualem conventus Sancti Dominici de Neapoli. Datum Rome, die ultimo iulii.

Frater Georgius de Narnea habuit licentiam morari extra ordinem per biennium a die qua ista licentia uti ceperit, et potest officiare ecclesias et cappellas, et recipere elemosinas. Nullus inferior. Datum Rome, iiij augusti. Et propter debitum vel delictum.

Magister Laurentius Thomme de Gherardinis, prior conventus Sancte Marie Novelle de Florentia, habuit literas quod nullus inferior possit eum absolvere ab officio prioratus sine suo speciali mandamento; et si quid in contrarium fuerit attentatum aut in futurum attentabitur, ex nunc totum decernitur irritum et inane. Et duret in officio prioratus fonec magister aliter ordinaverit. Datum Rome, v augusti.

Frater Geminianus Laurentii, biblicus conventus Sancte Marie Novelle de Florentia, fuit assignatus in conventu pratensi cum precepto quod recipiatur omnino saltem usque ad sequens capitulum generale; et predicta omnia observent, nullis obstantibus literis vel aliis. Datum Rome, v augusti.

Magister Anselmus de Aretio, confessor ill.mi domini ducis Urbini, fuit deputatus in predicatorem urbinatis conventus, cum elemosina consueta et exemptionibus solitis. Nullus inferior molestet. Datum Rome, viij augusti.

Magister Lazarus de Eugubio habuit licentiam standi in obsequium ill.mi domini ducis Urbini, et potest acceptare rectoriam hospitalis Sancti Antonii extra muros Urbini, et potest tenere unum socium. Nullus inferior molestet. Datum Rome, viij augusti.

Frater Petrus de Castevelo(?), conversus, fuit assignatus in suo conventu lucensi cum precepto quod, quam primum commode potest, ad ipsum conventum accedat. Datum Rome, ix augusti.

Frater Paulus de Muscello, conventus Sancti Dominici de Fesulis, habuit licentiam standi cum domino Gabriele Blondo de Forlivio ad officiandum suam ecclesiam Sancti Stephani de Mutiliana, diocesis faventine, districtus Florentie; et potest confiteri cui vult in ordine et leviotibus, et bis in anno de omnibus, et potest recipere elemosinas. Nullus inferior etc., sed propter debitum vel delictum subsit priori. Datum Rome, xi augusti.

|69r|

Magister Marianus de Roma, prior conventus Sancte Marie super Minervam, habuit literas due gratiose absolutionis, quas cum legi fecerit in capitulo coram fratribus, intelligitur absolutus ab officio prioratus, et tunc sit vicarius conventus cum plenissima potestate quousque alius prior sit electus et confirmatus, vel aliud sit per magistrum rev.mum ordinatum; et unc etiam precipitur omnibus quod obediant sibi tanquam vicario. Datum Rome, xiiij augusti 1475.

Magister Simnon Bertus de Florentia, de conventu Sancti Marci, qui ab omnibus fratribus electoribus conventus Sancte Marie super Minervam fuerat electum in priorem dicti conventus Minerve, fuit confirmatus cum plenissima et solita potetate. Datum Rome, die xviij augusti.

Frater Bartholomeus Dominici de Castello fuit vigore compromissi electus et confirmatus prior conventus Sancti Dominici de Castello, cum auctoritate solita et in forma plena. Datum Rome, xxj augusti.

Magister Anselmus de Cathanis de Aretio, qui ab apostolica sede de licentia ordinis est habilitatus ad beneficia, habuit licentiam iterum ab ordine assumendi beneficia extra ordinem iuxta literas apostolicas sibi concessas, sine inferioris molestia. Datum Rome, xxiij augusti.

Frater Salvator Mathye, novitius conventus arretini, fuit deputatus pro suo profectu in conventu Sancte Marie super Minervam in Urbe. Datum Rome, die xxiij augusti.

Magistro Dominico Bartholomei fuit mandatum quod vadat Pratum et faciat claudi fenestram quam fecit soror Alexandra in monasterio Sancti Nicolai, si - ut dicitur - est super murum ecclesie in dedecus monasterii et contra prohibitionem meam. Item quod auferat claves a priore pratensi, si sit vera que dicuntur quod frequenter intret monasterium et educat puellas, et alias faciat levitates; et det eas in custodiam duabus antiquioribus sororibus donec ordo provideat, et precipiat eis quod non aperiant monasterium fratribus nisi pro urgenti et necessaria(?) causa. Item inhibeat priori sub pena absolutionis quod dimictat curam monasterii Sancte Clare ordinis Minorum; et quia alias male se habet ipse prior, imponat ei leges secundum quas vivere debeat et regere conventum. Et precipitur priori et priorisse, et fratribus et sororibus, quod pro executione predictorum obediant dicto magistro Dominico sub pena absolutionis ab officiis et gravioris culpe, quas penas ipsi fratres incurrant contemnentes. Datum Rome, xxvj augusti.

Magister Petrus Riccius de Viterbio et frater Petrus Dominicus de Fano, conventus viterbiensis, fuerunt assignati in suo conventu viterbiensi. Datum Rome, 27 augusti.

Frater Gregorius Dominici de Mantua conversus, conventus viterbiensis, fuit assignatus in conventu mantuano provincie Sancti Dominici sub dispositione rev.di vicarii generalis congregationis Lombardie. Datum Rome, xxxj augusti.

|69v|

Priorisse et sororibus monasterii Sancti Nicolai de Prato precipitur sub pena absolutionis ab officio et sub pena graviori culpe, quas penas quelibet contrafaciens ipso facto incurrat, quatenus cellam quam edificavit soror Alexandra cum fenestra iuxta tectum ecclesie, deputent - et ex nunc etiam magister deputat - comuni usu et utilitati monasterii, ita tamen quod primo satisfiat dicte sorori Alexandre de expensis ibi factis; et quod de cetero nulla ibi edificet aut circa dicum locum, et quicquid secus fieret destruatur. Et nullus inferior predicta multare possit. Datum Rome, die prima septembris 1475.

Frater Georgius de Viterbio fuit assignatus in conventu Fulginei, revocando assignationem de illo factam in conventu viterbiensi. Datum Rome, prima septembris.

 Frater Petrus de Palonibus de Roma fuit assignatus in conventu Sancte Marie in Gradibus de Viterbio. Datum Rome, ij septembris.

Frater Iohannes Antonius de Perusio fuit assignatus in conventu Sancti Dominici de Esculo. Datum Rome, v septembris.

Frater Michael Miniatis, conventus Sancte Marie Novelle de Florentia, fuit assignatus in conventu perusino. Datum Rome, ix septembris.

Rev.mo domino Iacobo, presbytero cardinali tituli Sancti Grisogoni, papiensi vulgariter nuncupato, datur assensus et facultas quod possit assumere in obsequium suum fratrem Andream Cathanum siculum de conventu leontino, et duos alios fratres ordinis, et potest eos mutare et alios reassumere; qui fratres maneant ad servitium sue dominationis ubi ipse vuluerit, in ecclesiis et cappellis ad officiandum, et faciendum alia religiosa exercitia. Et nullus inferior eos molestet. Datum Rome, ix septembris.

Priorisse et sororibus monasterii Sancti Nicolai de Prato scribitur quod servent consuetudinem antiquam; et ita ordinat rev.mus magister quod omnes et singule sorores que aliquanto fuerunt suppriorisse in dicto monasterio intelligantur esse et sint matres de consilio, dummodo attigerint etatem xl annorum, et alias legitimum impedimentum non habeant, revocanto omnes literas in contrarium. Et nullus inferior mutet, nullis obstantibus. Datum Rome, xx septembris.

Frater Paulus de Corneto, conventus Sancte Marie super Minervam, habuit licentiam audiendi confessiones omnium utriusque sexus et cuiuscumque fratris, etiam de Tertio ordine Sancti Francisci, et cuiuscumque alterius, sine inferioris molestia. Datum Rome, xx septembris.

Frater Michael Saporosi de Spoleto habuit licentiam vendendi quandam petiam terre vineatam in orboribus sitam in ?lla Busani, et pretium convertendi in suas necessitates, ita quod primo de pretio extrahatur et deponatur in loco tuto dacat(os) decem pro uno breviario; residuum accipiat pro suis necessitatibus. Item quod huic venditioni assentiat maior pars fratrum dicti conventus. Nullus inferior molestet. Datum Rome, die xxiij septembris.

Quere pro residuo infra, folio 125.

precedente successiva